Сто гадоў шукай другой красы,

А тым  больш, што свет зусім не вузкі.

Ды калі ты не бязродны сын,

Гавары са мной па-беларуску.

Я.Янішчыц

     Пад такім дэвізам 21 лютага ў нашай школе прайшло свята "Мова народа - яго святыня", прысвечанае Дню роднай мовы. Мова ўвайшла  ў наша жыццё з вуснаў маці. На  працягу стагоддзяў прыгожае гучанне роднага слова беларус пачынаў успрымаць з матчыных песень, цудоўных беларускіх казак, легенд, паданняў. Мова - душа народа, плён працы многіх пакаленняў, люстэрка духоўнага жыцця, наш нацыянальны скарб.

Міжнародны дзень роднай мовы - гэта нагода для нас, беларусаў, яшчэ  раз задумацца пра лёс той, адзінай мовы, якую мы завём матчынай.